Rreth nesh

Në vitin 2016, “VVF” Sh.p.k, pas shumë testeve eksperimentale dhe përvojës së fituar ndër vite në fushën e Bujqësisë Organike, vendos të përgatisë dhe planifikojë një plan investimi konkret për një fabrikë industriale e cila fillimisht do të pajiset me leje minerare, më pas një leje për prodhimin e plehrave organike të lëngshme me bazë Humate.
 

Më 22 shtator 2017, përmes një ceremonie simbolike, më në fund realizohet produkti i parë dhe kështu vendoset hapi i parë drejt fillimit të një rrugëtimi të ri në fushën e produkteve bujqësore, që përkon me fillimin zyrtar të punimeve për realizimin e investimit të “VVF” Sh.p.k, si kompani prodhuese.

“VVF” Sh.pk është një nga kompanitë më të reja dhe e vetme në mesin e kompanive që merren me inovacione dhe në të njëjtën kohë me zhvillimin e produkteve që ofrojnë zgjidhje në bujqësi dhe fusha të tjera të ngjashme. Duke qenë të pozicionuar strategjikisht si kompani pioniere në tregun vendor të Kosovës, si një ndër kompanitë më të njohura kur bëhet fjalë për plehrat organike, me rritje të shpejtë, fleksibilitet dhe shpërndarje në mbarë vendin, ne përpiqemi të zgjerojmë horizonte të reja industriale, bioteknologjike.  

Kompania “VVF” Sh.p.k, në vitin 2021 nga Trupa çertifikuese Albinspekt, si Organ i Çertifikimit të produkteve organike, pranuam vendimin për certifikimin e katër produkteve të plehrave organike, duke theksuar se këto inpute janë të njohura për përdorim në Bujqësinë Organike, si dhe aplikime të tjera në procesin e certifikimit.